犇殿台灣火鍋 (奧海城三期)

营业中

休息中

好耐冇去奥海城，原来已经开咗好多餐厅😳今日出省城既我真系大开眼界，见佢个名咁得意，查返其实个犇系「奔」嘅同音字，改名都咁别有用心，就决定试吓呢间专食牛既火锅店。呢度有4个唔同价位嘅餐，身为牛魔王既我当然要拣$328既澳洲M7和牛😎🥘汤底8选1嘅汤底，好多款式，选择困难症嘅我哋拣咗药膳红烧牛骨锅，有阵淡淡既药材香味，感觉好似健康左咁😂🐄套餐送嘅神仙牛肉好高质，入口即溶，牛味好浓。油脂分布平均。佢仲送咗个海鲜拼盘，有虾、鲍鱼、蚝。单点既当然点澳洲m7和牛😎大块得黎又薄切，个口感好好，油脂丰富好香牛味。其他既美国黑毛和牛腰脊肉都唔错，虽然无M7咁肥，但佢哋既油香、肉香一d都唔失色。自助区既选择亦唔少，菜既款式都好多，其中花生芽比较少见，估唔到渌熟后佢几爽口清甜。而酱汁方面都有好多，仲有佢哋特制既汁。饮品方面，有佢哋自家出既攻玫瑰红茶同白桃乌龙。两款入口都舒服。钟意饮汽水既都有新既教主健康汽水，降低打边炉既罪恶感。