相馬日式火鍋 (已結業)

今晚收工同男朋友又去食好野，去左荃湾食相马日式火锅！佢有好多款套餐，我地叫左「美国特选牛肉」$258果个套餐，佢有特选牛肉、豚肉同鸡肉放题。佢有好多款汤底，我地拣左鸳鸯锅—酱油汤同豚骨汤，其实黑松露牛乳汤、海老汤都劲吸引，下次再试佢其他汤底！其实一坐低，个侍应已经超有礼貌，好主动同我地介绍唔同套餐同汤底，仲有炸物同串烧任食，即点即整。因为男朋友真系好钟意食炸野，我地叫左炸物先—冬菇、虾、墨丸、餐肉同鸡翼。都炸得几香口，佢仲有黑松露沙律酱，好好味。跟住出去睇下佢D其他任食食物，都有好多款蔬菜（有我钟意既莴荀同油蜜菜！）、配菜同丸类，仲有我最钟意食既日本拉面。同埋几钟意佢有埋透明帘遮住D食物，几卫生。拣完其他野食之后，就系肉肉肉登场了～猪牛鸡都好靓，D肉几嫩滑，但系可能食得太多丸类，我地饱到叫唔到第二次肉！真系样样野都不错，最后当然要食返个拉面先得！同埋食埋枝紫米雪条（唔记得影相），好好味！不过仲有样可惜既系，因为太饱，食唔到佢既串烧！下次一定要试埋。