傑伊鳥餐廳

营业中

休息中

去南丫岛最重要就系望住海景、享受美食，榕树湾有各国餐厅，拣唔落就随便嚟咗呢有外国同本地人嘅Bar🙈虽然我唔饮酒，但见到啲特色饮品都几吸引，行咗咁多山最好就系饮返杯甜甜地又冻冰冰嘅奶昔，coffee milkshake比水果milkshake少见，所以就叫咗杯嚟试试😆另外叫咗炸鱼薯条，因为$60好抵食，其实餐厅可能都要$90 up🤭如果坐吧枱仲可以睇住职员冲嘢饮，唔洗10分钟就整好杯奶昔，对比热食唔算平($50)，不过卖相够吸睛，忌廉铺满表面，仲有把遮仔做装饰，附上糖浆可以按个人喜好加入，本身唔钟意太甜所以几欣赏呢个安排👍🏻一开始唔搅匀唔加糖浆试饮啖，已经好好饮，虽然系奶昔但咖啡味香浓，少少苦涩味都无，又唔会成浸奶精味，好啱啲唔想饮太浓咖啡嘅人，加1/3糖浆再捞埋忌廉就令饮品更升华😋大约10分钟左右炸鱼薯条就嚟到，实物比相更加吸引，炸鱼唔系常见一大块𠮶种，但食起嚟脆皮同鱼肉比例更好，粉浆够薄身，鱼肉嫩滑多汁，而且新鲜炸起所以食到最后都仲系热辣辣，大约有6块手指咁长、2cm粗嘅炸鱼，份量几足🥰薯条就失色少少，唔系好脆同埋唔够味，平时唔钟意点酱食都要加啲茄汁🥫见老板都有啲熟客，相信本地人都会