籠太子點心專門店 (已結業)

闲时都好钟意去叹下一盅两件，笼太子喺筲箕湾东大街最近开咗分店，即刻去试吓先🥳装修以湖水蓝为主调，座位都几阔落，坐得好舒服。点心全部即叫即蒸，上枱热辣辣！仲好抵食，两个人叫咗6款😋食到捧住个肚，每人70几蚊，真系抵！而且冇加一，茶钱$3一位。我地叫咗～原只鲍鱼烧卖 $30鱼肚水饺 $22流沙奶黄包$24不是炸两 $26海皇芝士千丝卷 $26椰汁桂花糕$19令人最有惊喜系「不是炸两」💗滑滑嘅肠粉里面包著唔系油炸鬼，而系炸腐皮，馅料仲有西芹同鲜虾🤤入口又滑又脆，好食！「椰汁桂花糕」都唔错，不会太甜，卖相精致，好有椰香。呢度仲有原只鲍鱼烧卖，哇正啊🤤 一笼有2粒， 虽然鲍鱼细细粒，味道唔算好大惊喜，不过平民价👍🏼食得都开心🥳而「海皇芝士千丝卷」好香脆，但系比较油腻，馅料较少，而又没有太多芝士味，个人觉得这款没有其他的好。整体感觉很舒适，价格好亲民，属于抵食嘅点心店。