小草十八怪

营业中

休息中

餐厅位于油麻地，开业时间好长，无论系早餐定系宵夜都有食～ 座位超多，但估唔到平日晚上都Full House。另外优惠活动都几吸引，凡4-6点入座食烤鱼或鸡煲即享全单65折大优惠、6-7点入座就全单75折优惠、而7点后则享全单85折。前菜有芝麻凉拌海蜇，好大一份，性价比高，微微酸甜，冻冰冰，带咬口，上面仲有粒粒花生，十分开胃。小食有九制陈皮炸鸡，炸至酥脆可口，鸡肉嫩滑多汁，点埋特调酱汁都几夹。串烧方面有鸡翼同烧椰菜花，前者香，后者爽口。主食有明炉烤海鲈，可以自行选择汤底，有辣有唔辣，鱼肉嫩滑，啖啖肉，外层微微脆，吸满汤汁，越食越上瘾、另有莴笋、芽菜、莲藕，感觉更加健康。饮品有特大手打柠檬茶，真系特大，两个人share啱啱好，冻冰冰，有啲苦涩味，饮完好解渴。