影片
更多
2016-07-30
1101 浏览
好耐都冇黎赤柱, 见哩个礼拜话会好天, 所以几日前就 PLAN 定今日要黎赤柱行下, 食下野咁。唔知系唔系天气太热呢, 觉得比以前少人左, 连美利楼都有 H &M 进驻, 感觉怪怪咁...行到咁上下, 我地就去左大街揾野食....楝左哩间, 佢地有楼上雅座, 有冷气, 系咁热既天气黎讲, 真系太好啰...其实佢地上面个层好正架, 如果坐到窗边位, 可以一路望住个海食, 又可以一路叹住冷气..哈...不过只限二人位, 如果有心坐, 可以打电话黎留定枱, 但可惜, 我地上到去时, 已经俾人坐晒啰。 上面仲有一张美式卓球枱, 听啲 STAFF 讲, 之前话可以食满 $300 就有得玩, 但而家改左, 每局 $50 , 所以我地都冇玩到....."意式马铃薯粉团伴磨菇, 南瓜,波菜配香草忌廉汁 $158", 我好钟意食马铃薯粉团, 哩度做到烟烟韧韧, 有口感, 因为马铃薯都比较溜, 佢配啲个南瓜同磨菇, 可以减轻配食肉类既滞, 啲南瓜好甜, 菠菜都好新鲜, 个白汁煮得唔错.....老公一路食都话好味, 但系就一路讲, 话哩碟一定好肥...."迷你牛胸包配辣根忌廉 $152", 细细个BURGE
好耐都冇黎赤柱, 见哩个礼拜话会好天, 所以几日前就 PLAN 定今日要黎赤柱行下, 食下野咁。唔知系唔系天气太热呢, 觉得比以前少人左, 连美利楼都有 H &M 进驻, 感觉怪怪咁...
行到咁上下, 我地就去左大街揾野食....楝左哩间, 佢地有楼上雅座, 有冷气, 系咁热既天气黎讲, 真系太好啰...其实佢地上面个层好正架, 如果坐到窗边位, 可以一路望住个海食, 又可以一路叹住冷气..哈...不过只限二人位, 如果有心坐, 可以打电话黎留定枱, 但可惜, 我地上到去时, 已经俾人坐晒啰。 上面仲有一张美式卓球枱, 听啲 STAFF 讲, 之前话可以食满 $300 就有得玩, 但而家改左, 每局 $50 , 所以我地都冇玩到.....
"意式马铃薯粉团伴磨菇, 南瓜,波菜配香草忌廉汁 $158", 我好钟意食马铃薯粉团, 哩度做到烟烟韧韧, 有口感, 因为马铃薯都比较溜, 佢配啲个南瓜同磨菇, 可以减轻配食肉类既滞, 啲南瓜好甜, 菠菜都好新鲜, 个白汁煮得唔错.....老公一路食都话好味, 但系就一路讲, 话哩碟一定好肥....
"迷你牛胸包配辣根忌廉 $152", 细细个BURGER, 一望落去唔会俾啲大大个BURGER 未食已经觉得好饱既感觉, 一食落去, 觉得唔够热, 唔知系唔系佢要等埋碟薯粉团一齐上枱, 所以冻左少少, 面包系带少少硬食既法包, 啲薯条一睇就觉得炸过龙, 颜色深左好多....哩碟感觉麻麻
"法国烧春鸡 $88", 每日限量发售! 初时只系叫左上面个两样野, 但系见隔离枱上时, 闻到好香, 同埋 $88 一只烧鸡, 又真系几抵咁, 所以我地都叫黎试下...哈 (其实我地都好大食, 两个人食三个 main course, 最后都只系食净好少), 我觉得只鸡唔系几够味, 虽然有烧汁, 但系如果只鸡可以落多少少盐腌下先会较好, 只鸡脾同鸡亦位既肉好滑, 鸡胸就好鞋, 不过一般食鸡, 鸡胸都系较鞋身....好难避免, 下面既配菜焗薯同卢笋都好味...总括黎讲, 只鸡可以叫黎试下....
张贴
