燒洒一族 (恆安商場)

营业中

休息中

有时放工懒煮，钟意买熟食加料😝有时唔单止斩大嚿叉烧，其实我都好钟意食酒浸乜乜乜，我见佢除咗烧味，仲有好多酒浸嘅系列都几抵食，所以今次我买全部都系酒香系列加𩠌，佢哋会好细心另外配咗几包花雕酒俾我😋.💛酒醉花雕鸡半只$65鸡肉质都几滑，而且煮得唔会过熟，可能有啲人见到佢中间有少少红色会觉得唔够熟，其实𠮶个位系已经熟晒，鸡皮好爽，鸡肉吸收晒花雕酒嘅香味，味道甘香👍.💛酒醉鸭舌$45鸭舌肉质好爽脆，加埋花雕酒味道好香浓👍而且$45嘅份量都几多，呢度有好多只鸭嘅舌头啦😅💛酒醉鸡翼尖$16够滑溜入味，钟意损骨嘅人士至爱💛酒醉溏心蛋$18同样系煮得啱啱好，粒粒都溏心，浸得都够入味。咁除咗花雕酒醉系列，我当然都要试吓佢其他嘅烧味，我买咗佢一条冲绳黑糖焗叉烧$48咋，味道系唔错嘅不过我就略嫌肉质有少少硬同埋干，因我钟意食比较松化同埋腍身嘅叉烧。不过整体来讲都唔错呀，都算几抵食，呢度买咗咁多嘢$200有找。