E FOR EGG (已搬遷) 新店位置

继续介绍大围好西，今次去食呢期好兴嘅滑蛋多士，店内只得4个位，唔想喺烈日下等咁耐最好早啲黎。吐司即叫即制，点单后要等10分钟左右。牛油果蛋沙律盒子吐司：望落好吸引，馅嘅份量多到一切就流出黎，吐司烘到金黄色，脆到好似食薯饼咁，好香牛油味。咁啱我𠮶日个牛油果唔系几靓，淋但带苦味，沙律酱颇酸，对我黎讲太多酱汁有啲溜，阿妹就觉得呢款个馅系冻嘅夹啲，真系好睇个人口味。招牌三重芝士滑蛋盒子吐司：呢个我真心推荐！好食过Isxxc多多声，炒蛋好滑，夹住半溶芝士同少少酸嘅酱汁，面头就有巴马臣芝士碎，我觉得个馅同个吐司都热辣辣好食啲。冻茉莉花茶：有淡淡嘅花香，正正常常。