牛極 (庇利金街) (已結業)

第一次嚟呢间食牛扒，呢度嘅setting好特别，让我怀念日本时候买拉面嘅情况。喺门口就已经有㗎售卖机，等你可以拣唔同嘅牛嘅类别同埋重量。买完拎咗飞仔就入座。记得跟住要去攞沙律，汤同饭，准备热辣辣嘅牛扒上枱。牛扒系连埋铁板一齐上，预先整到一成熟，然后我哋可以根据自己嘅喜好煎到熟嘅程度。记得剪之前要切片，咁样会容易啲掌握。呢度嘅安排几细心，上菜时，牛扒会用张纸巾盖住，唔会等啲油弹来弹去。而且仲可以攞条围裙，遮住自己啲衫。我哋叫咗牛肩脊同埋牛柳。牛肩只切片嘅时候我哋见到有筋，起初仲会担心会唔会好韧，点知冇，系恰度好处！牛柳就当然系好淋啦！我哋两件牛都煎到大概六成熟。我地就比较喜欢牛肩脊，因为牛味重啲。不过我哋担心牛太熟，所以煎嘅时候有少少难掌握，又要尽快上碟，惊太熟。总括而言呢度都几抵食，汤，饭同沙律都系任食，会再嚟食。