華園甜品專家

营业中

休息中

即兴食甜品，新蒲岗区选择不多。去左好出名既「华园」，米芝莲一星小店。店内无咩装修，都唔好期待有服务。甜品款式好多好齐全。最吸引系价钱，大部分十几蚊有交易！我地叫左芒果布甸同什果西米露。卖相一般，但足料好味！芒果布甸上面有一个雪糕球，比布甸更精彩，好香云尼拿味！什果西米露有三种生果，西瓜、蜜瓜、火龙果，全部都好新鲜，西米露都够滑！甜品好食，但唔算太大惊喜。质素同九龙城区各大甜品店无咩分别，分别就系佢卖一半既价钱。如果你只想食一碗平靓正甜品，而唔想花钱买装修、服务、卖相的话，不二之选！