小方糖甜品 (龍崗道)

营业中

休息中

食完饭，朋友又有揸车，所以即兴去九龙城食甜品，拣咗几间，决定一试小方糖。我叫咗宇治金时冰，朋友就叫咗芒果糯米饭。我个刨冰好大份，入面除咗冰之外，有绿茶雪糕，有椰果，有小丸子，仲有红豆。所有嘢夹埋一齐，十分有口感，而且唔会因为啲冰溶咗而淡晒味，抵赞。同埋佢又唔系死甜，食完唔洗食好水。友人食个糯米饭，完全无谂过港式糖水店入面有泰式甜品食，仲要系好食嘅。芒果唔太酸，糯米饭又够口感，最重要系个椰汁，香而唔假，可以同泰式食店一战。喺九龙城嚟讲，呢间糖水都唔算贵，排队亦只系十分钟，下次我会再嚟食，抵食，好食。