豪宴海鮮酒家 (已結業)

片皮鸭一食$48，二食$78，价钱都几吸引。预早几日订位晚饭时，已预订一只片皮鸭，否则迟左黎就未必食到。经商量后，我地二食要左凉瓜炆鸭件，叫左我钟意食嘅香橙焗肉排，菜蔬类一定唔少得，我地就拣左海皇杂菜煲，四个人够哂食喇。大约十分钟，第一味黎就系香橙焗肉排，卖相都几好，肉质唔Un，好味道。我再叫左两碗白饭，跟住海皇杂菜煲上枱，卖相一般，味道OK，有虾有带子(虽然唔多)有粉丝有菇类配菜心白菜西兰花，以88元嘅价钱，合格之上。接住就到片皮鸭出场，么么皮不会太薄易烂，值得一赞！片皮鸭都有成十几廿件，件件肥美，配上海鲜酱夹住黎食，相当惹味！48元，值得推介最后一味，就系凉瓜炆鸭件，由于这个𩠌黎得太迟，我已经食饱左，再食唔落了，但见阿爸猛挟凉瓜黎食，味道应该OK嘅。由于不想浪费食物，最后把吃剩的凉瓜鸭件打包回家，但就要收2蚊胶盒胶袋费，而家好多酒楼同食肆都已经无收这个费用，佢地真系要检讨吓啰！