MedOven (已結業)

MedOven喺上环开张咗一段时间，主打地中海菜如鹰嘴豆沙律、希腊乳酪沙律、falafel肉丸地中海薄饼等。印象中初开张时主菜都要五六十蚊，未计前菜或饮品。而家推出咗亲民嘅午餐，$50左右有一盒饭／意粉同一份沙律，帮衬意欲大增。店员笑面迎人，服务唔错。今日叫咗『肉酱意粉』同『乳酪沙律』。肉酱走比较轻怡嘅路线，调味较淡，以番茄为主。意粉唔知系咪焗嘅关系，比较淋身少少，整体味道OK。乳酪沙律系亮点，青瓜同三色椒新鲜爽脆，仲有干香草同Feta Cheese，排毒一流。