元札幌拉麵 (宇晴軒商場) (已結業)

今晚无人煮饭，惟有一家大细落楼下食饭。楼下其实都好几间餐厅，不过呢间门口摆咗个夹公仔机，有个细路就忍唔住行咗入去。餐厅入面座位都几阔，我哋六点左右去到，仲有好多空位。餐牌选择好多，而且order可以好有弹性。天气咁热，大家都唔太饿，就叫咗啲小食加个面。薯仔沙律系我嘅至爱，好味又饱肚！拉面份量都多，汤底略为咸咗少少，溏心蛋最受欢迎，一上枱就俾人食咗我哋仲叫咗鸡肉串，一份有两串，味道都唔错，烧鸡翼有少少干身，不过味道几好。最后仲要咗炸鸡，因为见隔离枱食，好似好吸引炸鸡果然唔错，好味过烧鸡翼，皮脆肉嫩！！临走先发现原来有厨师推介，下次要食饭团！！