影片
更多
2018-11-29
48 浏览
今日同朋友去上水行街，唔知食乜好，见到呢间欧意餐厅都几多人食，所以就决定试下。呢到系拎飞等叫号码既，要等六张飞先到我地，但叫个速度都几快，唔洗十分钟就叫到我地。呢到既野食选择非常之多，由焗饭、意粉、薄饼、铁板餐到蛋包饭、喇沙都有，真系睇到眼花撩乱，午餐时间都有六七块餐牌，啱晒一大班朋友唔知食乜好既时候黎食，因为紧有一款啱你。而我地今次叫左个白汁芝士龙虾拼羊架，可以拣饭、意粉或者薯菜，我地要左饭，个餐重有蒜蓉包、餐汤同野饮，要左南瓜汤同加$10转左红豆冰，再叫左吉列鱼柳蛋包饭，追加左个迷你拼盘，餐饮要热华田。吉列鱼柳蛋包饭：可以拣茄汁或者咖哩，我地要左茄汁。鱼柳炸得好，脆身唔厚粉又唔油腻，同埋都几大块。蛋包饭个蛋皮唔会太生或者太老，虽然蛋味唔算特别重，但夹埋啲沙律酱同茄汁都几好食。白汁芝士龙虾拼羊架： 午餐食龙虾同羊扒真系第一次，摆盘几靓，上菜既时候其他枱都望晒过黎。龙虾有膏，肉质爽口，重有个大钳，都算多肉，个汁同龙虾好夹。羊肉可以拣汁，我地要左黑椒汁。羊味几浓，都算几生，大概三至五成熟之间，但我地都钟意食生啲，所以几钟意呢个熟度，如果怕生既朋友可以落单既时候要同佢讲煎熟少少。呢个价钱又
今日同朋友去上水行街，唔知食乜好，见到呢间欧意餐厅都几多人食，所以就决定试下。呢到系拎飞等叫号码既，要等六张飞先到我地，但叫个速度都几快，唔洗十分钟就叫到我地。
呢到既野食选择非常之多，由焗饭、意粉、薄饼、铁板餐到蛋包饭、喇沙都有，真系睇到眼花撩乱，午餐时间都有六七块餐牌，啱晒一大班朋友唔知食乜好既时候黎食，因为紧有一款啱你。而我地今次叫左个白汁芝士龙虾拼羊架，可以拣饭、意粉或者薯菜，我地要左饭，个餐重有蒜蓉包、餐汤同野饮，要左南瓜汤同加$10转左红豆冰，再叫左吉列鱼柳蛋包饭，追加左个迷你拼盘，餐饮要热华田。
吉列鱼柳蛋包饭：可以拣茄汁或者咖哩，我地要左茄汁。鱼柳炸得好，脆身唔厚粉又唔油腻，同埋都几大块。蛋包饭个蛋皮唔会太生或者太老，虽然蛋味唔算特别重，但夹埋啲沙律酱同茄汁都几好食。
白汁芝士龙虾拼羊架： 午餐食龙虾同羊扒真系第一次，摆盘几靓，上菜既时候其他枱都望晒过黎。龙虾有膏，肉质爽口，重有个大钳，都算多肉，个汁同龙虾好夹。羊肉可以拣汁，我地要左黑椒汁。
羊味几浓，都算几生，大概三至五成熟之间，但我地都钟意食生啲，所以几钟意呢个熟度，如果怕生既朋友可以落单既时候要同佢讲煎熟少少。
呢个价钱又有羊架又有龙虾，而且好大份，重要有汤有包有野饮，其实都几抵，同埋咁多野一个人应该食唔晒，可以叫一份share食再叫下其他野。我地𠮶日两个人食完呢个都饱左一半。迷你拼盘：有洋葱圈、麦乐鸡同埋炸薯皇。炸薯皇外脆内软，唔会好咸，点茄汁食好好食。
麦乐鸡同平时麦记食𠮶种唔同，佢系重保留鸡肉既质感，食落唔系完全系鸡蓉，我觉得呢种有啲肉感既重好食过纯鸡蓉𠮶种。洋葱圈入面既洋葱几甜，但个皮硬左少少。
南瓜汤：比较似平时既白汤多左南瓜味，同埋加左粟米，唔算好惊艳，但唔差。本身想加钱转佢个酥皮海皇汤，点知原来晚市先有酥皮汤，下次再黎希望试下佢个酥皮汤啦。
红豆冰：红豆煮得淋，唔会太甜，同埋都几大杯整体都唔错，如果红豆再多少少就更好啦。
蒜蓉包：蒜蓉味几香，唔会太硬，脆脆地，都唔错。
整体而言食物质素几好，份量大份，选择多，性价比高，值得推荐！
张贴
