牛太郎 (已結業)

🐂旺角 $98抵食300g 石烧澳洲牛肉眼🐂有人话过食石烧牛是一件好废同唔识食的事情，只要一块热石板将牛肉煎熟就得，但我又唔系咁睇，因为牛肉生熟程度完全系由我话是，去牛扒屋食都未必烧到自己烧的咁啱心水🐂有见及此所以个人都几钟意食石烧牛，刚好经过见到位于女人街内的一间石烧专门店，最平鸡扒$45起，白饭汤沙律汤配菜任装，一定够饱又够抵食🐂澳洲牛肉眼300g $98,不用加一，包汤，沙律，配菜，白饭任食（每期优惠1/3-15/3 )🐂300g 呢个份量真系唔细，平时呢个份量都要百五蚊起跳，唔好笑我咁大食，因为牛扒黎讲300g 份量先够满足，上台时只有一成熟，切开红红的，用上石板烤熟，加入黑椒及玫瑰盐，煎至全熟都不会太鞋，一口一口啖啖肉食晒🐂呢到的白饭，汤，沙律，配菜都是自取任食的，汤今日的是罗宋汤，比较淡而酸好一般，椰菜沙律切定已放到干干地，白饭可以加紫菜增加香气，配菜是鸡脾菇，翠肉瓜可以放在可板煎熟🐂石烧牛普遍问题都是石板太细热力不够，需要中间麻烦店员更换，但呢间的石板size 比较大，可以一次将300g 牛肉及配菜完全煎熟都不用换板，方便店员都方便到客人，平平