牛太郎 (已結業)

今日星期日，咁岩情人節，又去左旺角牛太郎食石燒，不過今日2:00 就賣晒牛肩肉眼，咁就叫左牛肩脊肉。牛肩脊肉300G $128元，厚切牛脷 $68， 當然白飯，湯，前菜都係任食既。不過攞完一次蒜蓉就無見佢再出，好在我一早攞夠。牛肩脊肉，都超好食，我燒到3成就入口，超多肉汁，不過，個人覺得同牛肩肉眼分別不大，都一樣咁好食。另一個餐就叫左厚切牛脷，不過只有一片厚，另外兩片薄，厚切那片好吃比較淋，薄那兩片就不太好吃。白飯好吃，每次都基本上吃兩大碗，個人吃法滿滿的生蒜蓉，加味噌湯再加少少醬油就超好吃。

今日係旺角做野見到新開左呢間牛太朗🤟🏻一嚐呢度既石燒牛🐮呢間牛肉有唔同部位同重量👐🏻可以按返食量同埋喜好選擇唔同既部位🤳🏻今次揀左最貴最嫩既牛柳🥩上桌之前用熱石的餘溫將牛肉煎到你喜歡熟既程度🙌🏻牛肉本來無任何既調味食落牛味都重 而且一啲筋位都無😋可以隨你喜歡加埋粉紅岩鹽、黑椒、牛油、唔同既醬汁調味🥣雖然牛肉好厚身 但切落都好軟嫩跟餐仲有無限量沙律菜🥗麵豉湯🥣紫菜同白飯🍚最後超級飽住咁離開🤗

今日同左牛魔王友人，去左呢間位於女人街嘅牛太朗開餐， 這裏的白飯， 沙律同麵豉湯都是以自助形式任食, 用椰菜絲切到條條幼細的沙律，新鮮爽脆，加埋胡麻沙律醬，十分健康開胃，麵豉湯夠晒濃味，仲包杯野飲😘。 牛扒在超熱的石板燒上，視乎個人口味，生熟程度由自己控制。-牛柳 (300g)
牛柳肉質非常柔軟肉汁豐富，牛香重、油脂分佈平均，夠晒厚度，真係好味, 加埋一碗珍珠米白飯, 滿足晒啊。-牛肩脊肉（300g)
雖然肉質唔夠牛柳咁軟嫩，但就扎實些, 食落爽彈而且牛味香濃，加配埋蒜片、生蒜蓉胡椒等..調味料, 令味道更加升華!  牛質數高👍價錢抵食!

中午出咗去旺角交收，順便喺嗰頭食晏。呢日又想食大件肉🥩，所以搵咗間有石燒牛嘅餐廳食飯，佢就係「牛太郎」。餐廳位於近登打士街嗰邊嘅通菜街，即係喺啲攤檔旁邊，行中間嘅話有機會行過龍，睇唔到。估唔到原來餐廳面積幾大，環境算係光光猛猛、乾淨企理👍。食石燒牛嘅地方一般都會有個自助區，呢度亦唔例外！自助區可以任拎沙律、麵豉湯同白飯🍚。同時，亦有多款醬汁提供，甚至包括牛油。我哋一人叫咗一個300g嘅牛扒，兩嚿都大到一個點😱。我哋直頭覺得超過一磅重！牛扒四四方方好立體，齋食肉都飽咗。鐵板上面放有唔少蒜片，所以頗為香口。我哋叫咗兩款肉，包括牛柳以及牛肩脊肉。1️⃣牛柳($170/300g)2️⃣牛肩脊肉($155/300g)正如餐廳所述，👨🏻‍🍳廚師會預先將牛扒燒至一成熟，然後就由我哋自己再煎。餐廳建議食法係每次切出一口份量，喺熱石上面將四邊煎熟，再落調味料同醬汁食。不過我哋就一切過切哂，因為懶同埋廢事換熱石。套餐包一杯餐飲🥤，我哋要咗凍檸茶同凍柚子蜜。餐廳除咗賣石燒牛扒餐之外，仲有提供石燒系列(牛扒以外)、飯同粉麵套餐。其他餐較牛扒餐相宜🙈。總括嚟講，依間石燒牛嘅牛扒真係超巨型‼️，兩個人食一塊都仲得。題外話，

熱石燒牛扒店現今大流行 要做得好食而且質素 又要抵食 真係有點難度 今日黎到旺角 發現到一間石燒牛店扺食之餘亦具質素 餐牌上有澳洲肉眼 牛柳 牛肩肉眼 牛肩脊肉 四款牛扒供大家選擇 除此之外 沙律、飲品、飯同埋麵豉湯，全部都係任飲任食 絕對超值 好抵食 立即 叫了一份澳洲肉眼 及 一份牛肩脊肉 分別300g 賣相討好之餘 分量亦十足牛肩肉連火山石板 熱辣辣 記得小時候食鐵板餐一定用紙遮住自己 為免油四濺自己身上 食呢個做法一樣 非常貼心大家牛肉上菜嘅時候生生的 大約只有一成熟 大家可以根據自己嘅喜好，喺火山板上燒熟自己的牛肉 牛肩肉入口一點也不韌，肉汁滴出來回味無窮 澳洲肉眼 口感牛肉味重，質感較實，肉汁豐富！亦可以按個人喜好加上調味 令到牛肉更加豐富 呢度嘅調味料都好齊全，有黑椒汁、燒汁、芝麻醬、岩鹽同黑胡椒粉 可以比大家去調味 相當有心機

今日又黎到旺角，去到食街通菜街見到呢間餐廳 可以選唔同份量大小既牛 而配菜可以任食就俾佢吸引左入去呢種石燒牛扒既好處就係可以自己隨意選擇熟度，不用點餐時心大心細菜單其實唔止石燒牛肉，仲有非常多選擇，湯麵，碟頭飯都有但無牛不歡既我當然食牛！我就點左300g既牛柳一上枱 有d驚喜因為份量好大而肉質好軟淋，肉味好重就算燙得比較熟都好淋證明牛肉好高質而朋友點左澳洲肉眼份量都係好大而油脂含量較多中意油香既朋友可以選擇呢款配菜有沙律，湯，飯全部都任添任食！

石燒牛喺呢幾年都可以話系愈黎愈流行喇，尤其旺角真係勁多間石燒牛店，用一個百幾蚊嘅價錢就食到靚牛，仲要可以自己燒，真係幾正囉🤤好唔好食就另外一回事，食過有幾間啲牛都偏硬🙊石燒牛好難整得好食？或者自己技巧嘅問題。今次呢間牛太郎開喺通菜街，雖然係橫街窄巷，其實有勁多食店喺呢條街，今次決定再俾機會石燒牛。石燒牛嘅價錢都吾會話好貴，有牛柳、牛肩肉眼、澳洲肉眼、牛肩脊肉，200-400g，普通女仔食嘅話我諗拎個中間嘅300g都可以了。湯、飯、沙律都系任食，呢樣野又幾慷慨😁除咗牛扒仲有其他石燒系列，魚、豬肉、雞肉。再吾想食以上嘅野都有飯可以揀，種類都幾多。試吓佢嘅湯同埋沙律先，逢親喺石燒牛店拎嘅都係麵豉湯，呢度都吾例外啦。好好嘅系平時喺石燒牛店飲戈啲麵豉湯多數都系味精湯，呢度啲湯飲落真系冇味精，好有日式麵豉湯feel😆沙律清清哋幾健康呀。首先黎嘅系我戈份牛肩肉眼，向來我最鍾意食牛肉嘅部份都係牛肩肉，所以對我黎講呢度有牛肩肉眼真係恩賜☺️牛肩肉眼嘅質感向來比較軟稔，所以我點解咁鍾意，一切落去唔算特別易切，有啲筋位🤔之後男朋友又同我講話原來我切錯方向🤣🙊調教返方向就易切啲。牛肉燒到啱啱好自己想要嘅生熟度，

🔻 牛太郎旺角通菜街1M-1T號華發大廈地舖///唔同牛部位根據gram數多少有唔同價錢，呢間算係好抵食！叫左份300g嘅牛柳只要$170，仲包熱飲，凍飲加$3/🧃石板燒牛柳300g $170廚師預先燒到一成熟再上石板，想整幾熟悉隨尊便！大大舊份量十足嘅牛柳🤤切開勁紅，好正，一直煎到5成熟就最perfect!!!!入口啖啖肉，好有牛味，仲好嫩滑！小妹同男朋友一人食一份已經夠飽，完全不需要加飯。/🧃麵豉湯、沙律 Free麵豉湯超好飲！小妹估入面除左用牛肉淆，仲落左菇😍好咸香，好正，飲左2碗！沙律係椰菜絲，有好多sauce選擇，揀左千島醬！好新鮮爽口！/呢度仲有即棄圍裙可以用，唔驚啲燒牛味整到成身都係！好貼心！/////

最近忽然好想吃牛排，但荷包缺水，見到這家石燒牛排新開張，正在做優惠，當然想要試一試環境：尚算光猛闊落，油煙味可接受服務：侍應態度正常，落單流暢食物：牛肩脊 300克 $128 「特價」非常厚實的牛肩脊，少許脂肪，牛味夠濃，而且厚度十足，應該有最少三寸厚吧？像極了牛柳，只是比較肥美，脂香重一些我不喜歡切粒，原件三寸 六邊煎了幾分鐘，跟侍應又再拿了一塊新的再煎，又煎了幾分鐘，最後煎到5分熟下碟。嗯，果然難煎，但我自覺控制得滿不錯，肉汁很多，再下些餐廳提供的海晶鹽跟黑胡椒，非常好吃！澳洲肉眼 300克 $98 「特價」很肥美的肉眼，比牛肩脊肥不少，中心的脂肪位很肥美，這件口感更濃香，脂香四溢，把脂肪位切出來起鑊，更加美味還有任吃的椰菜沙律，跟甜香濃醇的芝麻醬很配，千島醬比較甜。麵鼓湯普普通通，白飯任添給大胃王再下一城整體性價比滿高的， 而且要多生或者要多厚，切不開不切開，都可以自己選，值得一試！

行經通菜街有間石燒牛扒餐廳🥩🍴有四款不同部位同嘅牛扒同份量可以選擇又可以自己燒 自己控制生熟程度🤤🤤仲包埋湯品 麵飯 沙律任食🤤跟埋餐飲杯🥤牛柳 $170 / 300g大大件嘅香香牛柳🤤牛肉味當然好重✨超正嘅油脂 同 肉質❤️分佈得好味又有口感😋牛肩脊肉 $155 / 300g一樣大大件嘅牛肩脊肉✨啖啖肉得黎🤤咬落仲好爽口牛味都好香好正嫁❤️現場有好多醬料俾客人配搭😍小妹最鍾意餸飯一齊食❤️同時食個靚沙律 同 飲個靚湯享受完美的一餐🥰真係好滿足✨

食牛真係唔會厭,經過見到哩間食石燒牛,我自己都好少食,咁岩見到有優惠☺️我同朋友都想食,所以就入左去試下啦!食物方面:⚪️牛柳300g肉質好鮮嫩好淋無根,好易咬好大舊,邊食邊燒,燒到大約6成熟岩岩好,好重牛味好多肉汁☺️⚪️牛肩肉300g相對上質地比較堅實,好有彈性,中意食有心口感既會好中意🤭肉質都係好令既粉紅色,唔會好多脂肪,一樣好嫩滑多汁!整體方面:餐廳都幾大,座得幾舒服,石燒系列除左牛都有豬,雞,牛脷,魚,有唔同選擇唔食牛既人都可以一齊食,出面有得任添白飯,沙律,湯😌食牛配返碗加紫菜,好正!

前排自己自私食，1⃣️個人去食石燒牛覺得都唔錯，所以一個禮拜一次嘅2⃣️姊妹we time 就一齊去另一間試吓🍴餐廳環境同座位都比較寬躺，唔會覺得迫夾。套餐包括一份主菜、一杯飲品 ➕ 沙律🥗白飯🍚味噌湯🍲任裝‼️我同妹妹各自點左一份300g嘅扒，分別係牛柳同牛肩脊肉🐮今個禮拜，牛肩脊肉仲做緊優惠價添🤩🐮牛柳肉味濃郁，肉質較實但唔韌，啖啖肉，🈚️筋，又多汁😋🐮牛肩脊肉肉質較軟又juicy，而且牛油脂味更濃，騷騷地，啱曬鍾意食牛肉騷味嘅妹妹🤤不過要留意番，每一件脊肉都會有一條筋😉店家都好細心，希望每一位客人都搵到自己啱嘅口味，所以提供左成7⃣️支沙律醬料😱🍲連味噌湯都唔馬虎，🈶️落咗牛肉一齊煮👍🏼

近年越開越多以石燒牛扒為主打的食肆，今天便來到一間新開在旺角的店舖，測試一下。套餐包括湯品、飯麵、酸菜、沙律任食。沙律菜加上不同的沙律汁，可以減輕油膩感。蒜蓉可以增加牛肉的味道，必定要試。凍檸檬茶另加$3，檸檬味道適中，如果茶味再濃一點會更好，用來吃牛扒非常配合。牛柳300G$170，肉質比較軟腍，牛肉味道十足，以這個份量來說， 10分抵吃。牛肩脊肉300G$155，肉質比較有咬口，牛肉味道濃郁，稍嫌有一點筋位，如果沒有筋位會更好。

今日去左旺角行街，晚餐揀左食牛扒，係熱石燒牛排呀。呢間牛太郎係女人街旁。餐廳都幾大，好寬敞，坐得舒服。餐廳做緊11月優惠，300g 既牛肩脊骨同牛肩肉眼都做緊特價，甘抵食一同朋友於各叫一款試試。大家食之前記住帶返圍裙，因為一掀開紙巾，火喉十足。餐廳會將我地嗌既牛肉燒至一成熟，再放喺熱石上面，自己就可以將牛煮到自己想要既熟度。餐廳準備左海鹽和黑胡椒比客人調味，但我覺得食返牛肉嘅原味最正，因為牛肉夠新鮮。300g牛肉份量好多，食到一半已經開始飽。呢度叫石燒牛，仲包湯、飯、沙律菜任食。

-🔸澳洲肉眼 300g $140🔸牛肩脊肉 300g $155-有次行經過見到呢間石燒牛好似幾吸引，今日終於去咗試喇。餐廳地方非常闊落，坐得幾舒服。餐廳提供四款唔同嘅牛肉，我哋今次就揀咗牛肩脊同澳洲肉眼。上枱見到兩件牛肉都非常靚仔，而且好厚切，餐廳預先會煎好一成熟，然後再自己燒成想要嘅熟度。澳洲肉眼嘅油脂比較豐富，所以食落口會充滿牛肉嘅油香，質感非常軟稔。而牛肩脊嘅肉質就較結實同少筋，牛味較重，我個人就比較鍾意牛肩脊喇。除咗牛肉之外，仲提供自助沙律吧、味噌湯同白飯任裝，仲有圍裙避免彈油，非常貼心呢！