金牌小龍 (已結業)

睇戏前想食d嘢，见到呢间金牌小龙个餐牌几引，菜式又多，所以就二话不说入去食。餐厅有别于一般传统上海菜嘅餐厅，装修简约，走文青风。餐厅虽然主打上海菜，但原来仲有台湾菜，菜式之多，令人三心两意，患左选择困难症。最后拣左个台湾牛肉面，水晶蛋，手撕杏鲍菇，酱牛肉卷大饼，韭黄锅贴，黎一个台湾crossover上海。台湾牛肉面既汤底好有牛味，真系好似去左台北咁，牛肉炆得好冧好入味，D面好Q好弹。水晶蛋好流心，唔同一般既流心蛋只有卤水味，呢度既蛋仲会带少少酒香，感觉更香。酱牛肉卷大饼系北方名菜，饼皮新鲜现整，所以热辣辣，好松化，而酱牛肉配青瓜既味道都好夹。手撕杏鲍菇带一点微辣，同椒盐既做法好唔同，呢度系做成凉菜，比较开胃，无咁热气。韮黄锅贴煎得好脆，韮黄好香，肉馅好juicy，非常好味。