帝京軒

是日三人行庆生，谂住食好啲，所以拣咗帝京轩。大家睇嚟睇去都系觉得食午市套餐抵过嗌点心，虽然最少要叫四位。首先到既系荔芋元贝天鹅酥（左上角）、玫瑰桶子豉油鸡（左二）、XO酱海蜇虫草花（右上角）同金牌黑豚叉烧（左下角）。天鹅酥卖相好可爱，芋头馅好味唔会太咸，天鹅颈食落甜甜地，质感似饼干。XO海蜇虫草花辣辣地，好开胃。叉烧最有惊喜，半肥瘦，肉质正，非常入味。相比之下，豉油鸡就普普通通。跟住就到老火汤（是日老火汤系牛大力粉葛红萝卜扁豆汤），饮得出无味精珍宝虾饺有如其名，大大只，皮厚薄适中，里面既虾爽口又有鲜味呢个琥珀牛肝鲜菌虾球桂花蚌都好好食，琥珀合桃好新鲜，虾同蚌都各有四件而呢个烧卖有别于一般酒楼既烧卖，上面既黑鱼子好咸香，里面既肉馅一啲都唔油腻，赞！其实都已经食到几饱，不过都觉得龙趸柳好食，平时怕腥唔食鱼既都可以一试。加埋陈皮同姜葱一齐食就仲香，比较有惊喜既系垫底既本菇，吸收咗龙趸、姜葱、陈皮同豉油既精华，好好食。到荷叶饭已经食唔落，因为要留肚食两款甜品，所以成个打包。夜晚整返热黎食都好香好食，里面有虾、烧鹅同冬菇等配料。最正既系甜品都有两款。首先到既系蛋白杏仁茶。甜度适中，杏仁磨得好幼滑