無肉食 (德興街) (已結業)

呢一间素食自助餐属于新派，唔系剩系得烚菜炒菜煮下节瓜茄子豆腐𠮶啲，我最欣赏佢嘅沙律吧同埋佢啲油炸食品（冇错，大家千祈唔好以为素食一定健康），我觉得佢各样野味道都唔错，当中最钟意嘅系佢啲炸嘢，包括春卷、蔬菜天妇罗、蛋散等等，另外佢嘅煎萝卜糕同埋马蹄糕都好食，仲有一样野都几好食，就系佢嘅薯仔沙律，真心推介。其实依家约朋友出街食饭，尤其是食晚饭，最少每人都要$150 ，就算去茶餐厅食可能都要每人$70至$80，所以点解我话呢一间素食自助餐抵食就系咁解，星期一至四晚餐每位$108 ，星期五先至加多$20。另外我想讲千祈唔好谂住食斋会平，你去斋舖试过就知道。