影片
更多
2023-03-14
1026 浏览
2023年3月1日 星期三呢排感觉食得太多肉，想揾返间素食餐厅转一转口味，于是今晚就同老婆黎左黄埔既呢间餐厅食饭位置唔算太难揾，黄埔地铁站一出就到商场，搭扶手电梯一上就见到，门口摆满左莲花灯，而且装修几新净餐厅系用QR code落单既，款式有好多，无论系小菜、煎炸小食，甚至煲仔菜同前菜都有，图文并茂，价钱都唔算太贵，不过由于实在有太多食物都想试，所以最后要咗二人餐，唔使谂食乜又可以平啲先黎有秘制叉烧，其实系面筋整成既，但系味道同质感都好似真嘅叉烧一样，可能面筋加咗叉烧酱既关系，用嚟送饭一流之后有榄角肉松四季豆，榄角炒得好香，够晒惹味，而且四季豆完全食唔到草青味，同样地送饭岩晒呢一个系XO酱农家小炒皇，里面有好多配料，例如冬菇、四季豆、腰果同三色椒等等，口感好丰富，全部切到一粒粒，方便进食，而且加左XO酱嘅关系，有少少辣，啱晒我呢个系脆香紫豆卷，无谂过紫米都可以炸成小食，仲要炸得好脆口，点埋甜酸酱味道更加好，而且感觉冇咁油腻呢一笼点心系杂菜饺，真系做到皮薄馅靓，里面有好多馅料，一咬落去仲有汁流出嚟添我哋仲另外加咗呢一个XO酱炒肠粉，上面撒上左芝麻，肠粉米香味几重，而且卷左好多层，仲加埋X
呢排感觉食得太多肉，想揾返间素食餐厅转一转口味，于是今晚就同老婆黎左黄埔既呢间餐厅食饭
位置唔算太难揾，黄埔地铁站一出就到商场，搭扶手电梯一上就见到，门口摆满左莲花灯，而且装修几新净
餐厅系用QR code落单既，款式有好多，无论系小菜、煎炸小食，甚至煲仔菜同前菜都有，图文并茂，价钱都唔算太贵，不过由于实在有太多食物都想试，所以最后要咗二人餐，唔使谂食乜又可以平啲
先黎有秘制叉烧，其实系面筋整成既，但系味道同质感都好似真嘅叉烧一样，可能面筋加咗叉烧酱既关系，用嚟送饭一流
之后有榄角肉松四季豆，榄角炒得好香，够晒惹味，而且四季豆完全食唔到草青味，同样地送饭岩晒
呢一个系XO酱农家小炒皇，里面有好多配料，例如冬菇、四季豆、腰果同三色椒等等，口感好丰富，全部切到一粒粒，方便进食，而且加左XO酱嘅关系，有少少辣，啱晒我
呢个系脆香紫豆卷，无谂过紫米都可以炸成小食，仲要炸得好脆口，点埋甜酸酱味道更加好，而且感觉冇咁油腻
呢一笼点心系杂菜饺，真系做到皮薄馅靓，里面有好多馅料，一咬落去仲有汁流出嚟添
我哋仲另外加咗呢一个XO酱炒肠粉，上面撒上左芝麻，肠粉米香味几重，而且卷左好多层，仲加埋XO酱，十分惹味
最后仲有糖水，木瓜炖雪耳，够晒清润，啱啱好可以解去刚才食物嘅油腻
食咗咁多嘢两个人加埋都系三百几蚊左右，真系好抵食，而且份量又够大，一定会再嚟encore！！
张贴
