青葉海鮮酒家 (青山公路 - 新墟段)

营业中

休息中

呢日气温急降，为食猪知道呢间酒楼有特价羊腩煲就嚟试下系咪咁抵食。为食猪叫咗羊腩煲另加生菜，同京都焗猪扒，再加两个白饭，两个人食刚刚好。羊腩煲(假日$38，加生菜$38): 羊腩煲价钱虽然平但份量都唔少，羊肉唔算中旧但都有10旧8旧，仲有大量为食猪最爱嘅枝竹，对得住呢个价钱。味道方面，羊肉唔够骚但都有羊味，汤底唔会太咸，𩠌饭啱啱好。生菜份量都几多，可以自己落，啱晒钟意食嫰菜嘅为食猪。京都焗猪扒: 虽然一啲焗嘅迹象都冇，但都几惹味又系好适合𩠌饭嘅一味菜。猪扒厚薄适中，件数都唔少，仲有啲菠萝做配菜。调味系8成似咕噜肉，都系咸咸甜甜酸酸咁。