金都國宴 (已結業)

表姐考完试call食饭，拣咗之前食过嘅“金都国宴”，谂住劲食海鲜。但去到冇扇贝冇圣子😟叫咗：$188孖宝－波士顿龙虾伊面、杂菜煲。龙虾都几长身算大只，但唔系好多肉，而且有啲削。杂菜煲好大煲好多菜仲有粉丝，调味几好冇过咸又有虾米味，啲汤饮埋我都冇味精敏感。$88黑松露豆腐，外表炸过，里面系玉子豆腐有啲韮菜花，黑松露又香，食落脆香软滑，口感够复杂。$78美极豉油虾，啲虾大只肉又实，好惹味。$48/一只果皮蒸南非鲍鱼，嚟到中间𠮶只得5蚊银咁大，反映后店方愿意更换，但我哋打回头退货冇要。其余两只，食落肉好弹又够腍又鲜，好味！最后阿姐主动问要唔要糖水，送红豆沙，但唔太甜，又起哂沙，虽然冇果皮味但同时冇涩味。中间换碟都几密，服务几好。