鵝公館

营业中

休息中

我系比佢既门面同价钱吸引我入去既。门口装修得几靓，以为贵味野，睇一睇门口个餐牌又唔系㖞，招牌卤水鹅饭都系$48。注意鹅片饭同卤水鹅饭系唔同，价钱差一倍要$88，唔好叫错呀！系呢个年头食个普通烧味都唔止啦，所以挑一挑佢机！一上黎绝对有睇头，全部大大碟！份量好足。头盘例汤，正常野，青红萝卜粟米汤，清清地唔油，足料又大碗，一路送饭一路饮，绝配！绝对大碟有份量，鹅量唔少，胸及上翼，饭底算大，正常饭味，汁香唔会死咸，捞饭一流。先睇佢个胸部，爽弹滑，胸都唔鞋而且juicy ，够入味，有鹅香，唔会太肥，对于一向唔食皮同唔食肥既我将呢碟野全清，连皮都食埋，因为个皮实在好有咸香爽滑，肥而不利，果然系正宗狮头鹅！翼位好食，一样够香够味。总括来说，十分满意，鹅香入味，质感爽弹滑，份量足，价钱合理。$48咁多野又咁好食值得一推。唯堂食地方细，容纳唔到几多人。