和牛燒肉‧純

营业中

休息中

圣诞未谂到去边庆祝，不如试下呢间餐厅，而家做紧特价2人餐，人均几百蚊就食到飞驒牛既唔同部位，好抵食🎄特选飞驒牛烧肉圣诞套餐（$1580 for 2）🐟刺身章红鱼同吞拿鱼都好厚身，鱼脂丰富🥗炸萝卜丝沙律第一次见用炸萝卜做沙律，入口脆卜卜，沙律汁酸酸甜甜，非常开胃🥚前菜三点茶碗蒸好嫩滑，入面仲有一丝丝既鸡肉，加上鲜甜既带子，即时贵气左蛋黄醋鱿鱼酸甜开胃，非常惹味甜甜哋既寿喜烧酱汁渗透哂系牛肉入面，令到牛肉嘅鲜甜味更加突出。🐂飞驒牛和牛味噌烧店员会用烧过既杏鲍菇搽满自家制味噌酱，再放上特选牛扒肉同京葱做成多士咁，一啖放入口，油脂同杏鲍菇既肉汁溶为一体，味道同口感都好富。仲有和牛上牛排肉、特选飞驒牛牛排肉同特选飞騨牛肉眼，每一片都油花分布均匀，烧完之后肉汁丰富，仲有满满既牛脂。牛舌爽脆弹牙，日本产豚腩肉肥瘦适中，用左特制既酱汁腌制，食落辣辣地好惹味口感一流。🦐海鲜石头锅饭海鲜饭既份量都唔惹少，大虾、鱿鱼、带子样样齐，底部仲有香喷喷既饭焦。再捞埋餐厅特制既蒜香蟹膏忌廉酱，简直一绝🍧柚子雪葩酸酸甜甜，正好中和返牛脂同锅饭既饱腻感。