自在素食 (已結業)

朋友知道妈妈食素，专登推介自在素食嘅自助餐，话以前东张西望都有介绍。趁前几日放假就带咗妈妈黎试佢嘅午市自助餐。地点系太子地铁站附近，行两三分钟就到，非常方便。价钱亦都只系$58一位，好抵。之前成日陪妈妈返大陆食素，以自助餐嚟讲，款式同大陆相比系算少，但都唔系话太少，都有成十几样，款款都好热。食物质素都唔错，我最钟意食佢嘅斋卤味，粉丝茄子都非常出色，好入味。炒面更系我嘅至爱。甜品方面，糖水同凉粉分开摆，可以自己调节甜度。妈妈都赞佢抵食，叫我多啲同佢嚟食，下次再试下佢啲小菜。嚟之前都有上嚟睇过网友comment，见到有一位网友踩得好劲，但朋友又话ok，先抱住试一试嘅心态帮衬。店内有一两位员工服务态度的确麻麻，全程黑面，好似唔欢迎我地嚟咁。但大部份员工态度都亲切友善。虽然香港人出咗名无笑容成日黑口黑面，但希望下次再去时，唔会再有人黑我地面啦。我地去时楼下无晒位，店员带咗我地上阁楼坐，听闻平时食自助餐就坐楼下，叫小菜先上楼上。阁楼嘅位置坐得几舒服，系平时酒楼式格局。楼下啲位望落去就窄咗啲喇，不过都明嘅，开系旺区。要嚟装野食嘅碗碟摆咗系汤左边，自己攞自己换。饮完汤食糖水都可以有得换。见佢贴咗块减