影片
更多
2018-08-22
6360 浏览
想平平地食个自助餐，拣左嚟呢间酒店，我地大半个月前已经订位，因为用Coupon之后只系$288，家人享有长者价(60岁以上就当长者喇)仲只系$208，个价钱已经包左加一。睇过啲食评都唔错，但唔会期望太高，毕竟只系二百几蚊。上嚟二楼，环境舒适，用白色为主调，我最钟意就系白色架喇，令到个环境感觉倍大。每人送一客嘅冰镇日式玑煮鲍鱼，冰凉多汁又弹牙，唔会韧，作为第一道菜，so good~自动湿纸巾机放左喺近门口位置，可以自己去攞，好方便。清洁完就开动~~刺身只有三款，味道唔错，问姐姐可唔可以俾三文鱼腩我，hehe，成功，厚切，好美味！冻海鲜方面有青口、面包蟹、蚬、海虾、小龙虾、长脚蟹，面包蟹竟然有蟹膏，比较少食到；长脚蟹多肉，但都几咸吓。最重要系全晚不断REFILL，长食长有，唔驶争。写住系中式老火汤，但味道似罗宋汤，好奇怪啰。中式点心有虾饺，都几晶莹剔透，虾肉够爽口。照烧牛肉芝士卷味道唔错，可惜系冻嘅，如果用火枪烧热佢，令牛油味更出，芝士半溶，咁就更好食。烧鸭、叉烧都系过瘦，外皮亦唔够香。仲有其他野食：MOVENPICK雪糕任食，记住加埋脆脆雪糕筒。甜品选择唔少，我最钟意系Tiramisu，
上嚟二楼，环境舒适，用白色为主调，我最钟意就系白色架喇，令到个环境感觉倍大。
每人送一客嘅冰镇日式玑煮鲍鱼，冰凉多汁又弹牙，唔会韧，作为第一道菜，so good~
自动湿纸巾机放左喺近门口位置，可以自己去攞，好方便。清洁完就开动~~
刺身只有三款，味道唔错，问姐姐可唔可以俾三文鱼腩我，hehe，成功，厚切，好美味！
冻海鲜方面有青口、面包蟹、蚬、海虾、小龙虾、长脚蟹，面包蟹竟然有蟹膏，比较少食到；长脚蟹多肉，但都几咸吓。最重要系全晚不断REFILL，长食长有，唔驶争。
写住系中式老火汤，但味道似罗宋汤，好奇怪啰。
中式点心有虾饺，都几晶莹剔透，虾肉够爽口。
照烧牛肉芝士卷味道唔错，可惜系冻嘅，如果用火枪烧热佢，令牛油味更出，芝士半溶，咁就更好食。
烧鸭、叉烧都系过瘦，外皮亦唔够香。
仲有其他野食：
MOVENPICK雪糕任食，记住加埋脆脆雪糕筒。
甜品选择唔少，我最钟意系Tiramisu，朱古力味浓，咖啡味亦浓。
普通热饮都有：
成为粉丝，就会有杯特饮添。
但我钟情咖啡，咖啡机可以拣即磨咖啡或者Cappuccino，当然要叹返杯啦。
二百几蚊咁唔错嘅质素，算系咁啦，好评！
张贴
