Marco's buffet (已結業)

系报纸见到7折优惠券又近就同同事一齐去试下，前一日见到其他评价讲到好差，但book左枱都试下啦，环境唔错，餐厅员工都好有礼貌热盘都有12，3样大部份都系海鲜，咖哩蟹， 咖哩鸡，青口，蚬，濑尿虾，扇贝，鱼，鸡扒，牛扒炒菜，炒饭，炒面，鸡翼仲有冷盘，沙律，甜品等等............海鲜有d会比较细只但味道我地12个人都觉得系唔错，甜品奶冻唔够甜，蛋糕ok，生果种类小但够甜唔似浸糖水，即场炒意粉都唔错，有同事觉得意粉硬，我觉得ok。6人送龙虾沙律一客，10人送一盒奶黄月饼，我地12个人去食送2客龙虾沙律，一盒月饼，月饼可要卷，要现货拎走或即场食都可以，我地就拣左即场食，餐厅仲免费帮我地焗热，奶黄月饼唔错仲系流心，150咁既质数我觉得ok，如果想150想食到6星酒店水准就麻烦绕道。