棕櫚閣西餐廳

营业中

休息中

朋友约食饭，一早约咗间自助餐，试一试，原因好简单，一个字“平”。 另外佢更加系一间酒店入面嘅餐厅，令到我更加想试一试。地点方面，位于旺角何文田交界，由地铁站步行过去大约需要十分钟，路程上面唔算太远。 不过天气咁热，其实都出晒汗。海胆刺身蟹籽沙律， 每人一客，最重要够晒新鲜，沙律菜洗得够干净，用料十足。 海胆完全冇腥味，每人一版。现场即制燕窝双皮奶， 上面大大啖燕窝，甜味适中，性价比十足。无限量供应movenpick雪糕，名牌雪糕，任食够晒。海鲜吧 ，阿拉斯加长脚蟹， 青口。 正宗长脚蟹啖啖肉，性价比已经完胜。烧牛肉， 有个师傅企喺度，一片一片剪比你，净系人工已经赚咗。热盘十多种，卤水豆腐， 清蒸海上鲜， 汁煮牛吞。 呢几款我最欣赏，味道同中菜馆嘅不相伯仲。果汁无限量供应， 最得人钟意系西柚汁，可惜一早加咗糖，如果系无糖更加出色。下次都会再去食，咁嘅价钱有咁多嘢食，已经赢咗。