影片
更多
2019-05-24
1452 浏览
母亲节唔响香港所以星期二夜晚食左呢间自助餐同母亲大人补祝！因为买团购飞，所以人头计大约$250，真系好抵食！一埋位个个都去排生蚝同蟹脚，我又习惯自助餐食熟食先所以去左熟食area，点知比我发现好野！系大大条蛏子皇！好新鲜好爽口味道岩岩好！好想食多几条但厨房不定时拎出黎，每次又最多拎得3-4条，所以要食既真系要无时无刻𥄫住！见过有个女人唔甘心分得一条濑死要个厨师拎出黎何必做得咁核突呢🤣另外想推荐下切肉，因为好香牛味好好食！有时出面食既扒又贵又无牛味，但佢呢度既牛肉真系好好食！一放入口成阵牛味出哂黎，配埋佢一路加热滚住既酱汁真系一流！后悔无食多几块！蟹脚唔错，好大只又有海水味好新鲜，而且fill得好快唔担心无得食！生蚝就最多人排队，我都拎左2只试，味道系几浓好有海水味，而且阵味响个口度stay好耐，但我个人唔钟意生蚝既口感，所以试完都无再拎。甜品选择好多，我自己就食左Haagen dazs、tiramisu同焦糖炖蛋。Haagen dazs仲要系我最钟意既雪芭！焦糖炖蛋我都食左3杯，但fill得好慢，临尾先出多round好彩仲食到！总括黎讲呢间自助餐种类几多、味道唔错，值得encore既一
一埋位个个都去排生蚝同蟹脚，我又习惯自助餐食熟食先所以去左熟食area，点知比我发现好野！系大大条蛏子皇！好新鲜好爽口味道岩岩好！好想食多几条但厨房不定时拎出黎，每次又最多拎得3-4条，所以要食既真系要无时无刻𥄫住！见过有个女人唔甘心分得一条濑死要个厨师拎出黎何必做得咁核突呢🤣
另外想推荐下切肉，因为好香牛味好好食！有时出面食既扒又贵又无牛味，但佢呢度既牛肉真系好好食！一放入口成阵牛味出哂黎，配埋佢一路加热滚住既酱汁真系一流！后悔无食多几块！
蟹脚唔错，好大只又有海水味好新鲜，而且fill得好快唔担心无得食！生蚝就最多人排队，我都拎左2只试，味道系几浓好有海水味，而且阵味响个口度stay好耐，但我个人唔钟意生蚝既口感，所以试完都无再拎。
甜品选择好多，我自己就食左Haagen dazs、tiramisu同焦糖炖蛋。Haagen dazs仲要系我最钟意既雪芭！焦糖炖蛋我都食左3杯，但fill得好慢，临尾先出多round好彩仲食到！
总括黎讲呢间自助餐种类几多、味道唔错，值得encore既一间！
蛏子皇、生蚝
184 浏览
0 赞好
0 留言
蟹脚
159 浏览
0 赞好
0 留言
焦糖炖蛋
133 浏览
0 赞好
0 留言
张贴
