更多
2019-06-23
92 浏览
Fiancé最近返工留意到呢间餐厅夜晚有buffet食,又唔贵,星期一至四$238加一,星期五至日、公众假期前同公众假期都系$268加一,无论几时食几多人都有龙虾汁海鲜盛宴送!留意返,原来6点先会开门,我地早左十分钟到,见正门无开,揾左第二边搭䢂上去,上到去咁啱有职员后门出黎讲我地知佢地六点先开,我地先知未够钟佢地系唔开。一够钟佢地开后门请我地入去,真系好彩有人知我地企系出面,唔系有排都入唔到去😅😅入到去见到个装修好靓,好有心思,啲墙砖好有西班牙feel,座位够阔落👍🏻坐得舒服。野食虽然唔及酒店buffet咁多,但呢个价钱有海鲜食,我觉得已经好抵,同埋我都未试晒所有野都已经饱左,始终唔系酒店咁大规模咁多人食,好难有咁多菜色,唔系会造成太多浪费。我觉得全晚最正系个海鲜盛宴,一啲都唔hea,估唔到有鲍鱼食!重要一啲都唔韧,煮得啱啱好。扇贝同青口非常大只,又系煮得啱啱好,唔韧之余又嫩又鲜甜!鱿鱼🦑都系好鲜甜唔韧,蚬煮完重大只无大缩水,无沙👍🏻,但虾🦐就一般。个底重有啲粟米🌽、翠玉瓜同红萝卜🥕。个龙虾汁虽然唔系好浓龙虾味,但佢唔太咸,配海鲜好食👍🏻沙律有五款:蟹籽蟹棒藜麦沙律、杂果沙律、吞拿鱼
留意返,原来6点先会开门,我地早左十分钟到,见正门无开,揾左第二边搭䢂上去,上到去咁啱有职员后门出黎讲我地知佢地六点先开,我地先知未够钟佢地系唔开。
一够钟佢地开后门请我地入去,真系好彩有人知我地企系出面,唔系有排都入唔到去😅😅
入到去见到个装修好靓,好有心思,啲墙砖好有西班牙feel,座位够阔落👍🏻坐得舒服。
野食虽然唔及酒店buffet咁多,但呢个价钱有海鲜食,我觉得已经好抵,同埋我都未试晒所有野都已经饱左,始终唔系酒店咁大规模咁多人食,好难有咁多菜色,唔系会造成太多浪费。
我觉得全晚最正系个海鲜盛宴,一啲都唔hea,估唔到有鲍鱼食!
沙律有五款:蟹籽蟹棒藜麦沙律、杂果沙律、吞拿鱼长通粉沙律、 泰式青木瓜大虾鱿鱼沙律同三色bell pepper紫洋葱。只系试左木瓜沙律,酸得黎带少少辣几开胃~重有啲车厘茄、青瓜同埋粟米俾你自己捞酱,有日式芝麻酱、黑醋汁同埋千岛酱。
热野都算几多选择,首先一打开猪罗纪😍😍哗!有ribs、猪手、猪肉肠重有烤鸡!ribs既汁辣辣地食落几惹味,肉质唔鞋几易咬;猪手肉质软腍唔会过咸;猪肉肠好浓香草味👍🏻;烤鸡相对失色啲,肉质偏鞋,但味道唔错。
牛魔王系我后期先发现,因为我miss左睇唔到,个阵都饱饱地,只试左牛仔骨,都几腍但就好多脂脂。
洋葱圈脆但虾春卷唔够脆,鸡翼酿左啲辣既饭好香辣惹味。
豉椒炒蚬煮完唔会缩晒水,无沙几鲜甜。
泰式鱼饼好浓香茅👍🏻正!黑松露磨菇忌廉汤都几浓磨菇味👍🏻估唔到有田螺食,不过只试左薯蓉,好滑好绵!
海鲜龙虾汁扁意粉有青口、虾、蚬、鱿鱼,食落同海鲜盛宴差不多,扁意粉唔会煮到太腍,有返啲硬度,啱晒我。因为一向唔食菠萝,所以无食个炒饭,但望落都几靓。
食饱咸食,就开动第二个胃食甜品🤪椰青糕几清甜,如果椰肉多啲就更正!Lemon cheesecake 同tiramisu不过不失,我见佢啲甜品系订返黎唔系自己整,因为见到一盒盒蛋糕盒放系饼柜。
最后冲返杯peach tea饮消下滞。
二百几蚊食到咁多野真系抵食!
张贴