山景閣

营业中

休息中

今日lunch去左食呢间自助餐，见佢唔算太贵就试一试。食物唔算系特别多，但系每一个种类都有，而且每人总会送4只生蚝，好正。生蚝够晒大只，而且好新鲜，咁啱朋友唔钟意食生蚝所以我就食左成8只。海南鸡亦都好正，起晒骨啖啖肉，而且每一旧都好滑，最正特别系个鸡髀。冬荫公金边粉亦都唔错，个汤底好浓，仲会有少少辣。我亦都好钟意个南瓜汤，并唔系罐头汤，而且唔会太咸，一定要试一试。至于饮品方面亦系自助，选择都几多，部咖啡机入面嘅选择真系包罗万有，日本绿茶、牛奶咩都有。最后甜品方面款式亦都好多，蛋糕、雪糕、朱古力喷泉等等，特别要推荐蓝苺芝士饼，唔会太甜或者太腻。班戟一定要试一试，佢系即叫即整所以够晒新鲜同热，我个人就最钟意香蕉味，真系有一块块香蕉，同个班戟都几夹，而且唔会太多cream，加埋d朱古力酱真系好正。