和記餐廳 (已結業)

已经去过和记餐厅买过好几次饭盒，每次我都会比餐牌上的一款饭吸引，但始终未买过，就系海鲜汤饭。听讲每次嘅海鲜饭海鲜都会有少少唔一样。今次嘅海鲜汤饭有3只大虾两只象拔蚌半只蟹仲有小半只龙虾！跟埋红豆冰都系几十蚊。外卖仲有折，抵！海鲜汤嘅胡椒味比较重，海鲜唔算系非常新鲜𠮶一种，但性价比响呢个价钱来讲已经好好。呢个价钱冇得投诉。唯一我觉得系买个饭盒响公司食比较麻烦，因为海鲜始终要剥壳，无论喺茶餐厅环境定系响工作环境入面食始终都要落手，好难干干净净咁食完。我估我下次都系买返佢个咖喱饭算啦。