食口福茶餐廳 (已結業)

今晚放工同朋友去茶记e肚, 第一时间念起元朗食口福, 因为上次无意间入去食咗一个饭餐, 留下好印象, 今次再试过, 虽然楼面只得2个伙记, 但仍然有礼待客, 今晚叫咗盐so猪扒 & 炆鸭饭餐, 仲有2款小食,  & 麻辣鸡丝粉皮. 盐so猪扒 & 炸鱿鱼so 非常好味, 真so脆而不油淋淋, 猪扒又够入味又so软, 而且好大碟, 好抵食, 以一个饭餐加埋冻饮只需$43嚟讲, 真系好抵食, 但个小食麻辣鸡丝粉皮 完全淡味, 失望 , 而个炆鸭饭餐炆得有d 过火, 鞋鞋地, 但都入味. 呢间茶餐厅o既饭餐仲一定有姜溶送架, 姜溶唔会有油, 加落饭食真系好好味, 呢间茶餐厅会成为我o既心水茶记之一, 值得再去