木椰餐廳

营业中

休息中

今日晏咗起身想颓食lunch，就过咗嚟依间新开嘅冰室试下！撞正下午茶时间，男朋友又肚饿，所以总共嗌咗3个下午茶餐🤣我哋叫左干炒牛河，可能系下午茶价钱，分量比较少，但河粉炒得够镬气，而且唔油，几好食！牛肉都唔鞋，不过都系偏少。另外嗌咗个咖哩吉列猪扒饭。猪扒嘅炸粉唔会太厚，啖啖肉，比预期中好！咖哩带甜味同椰香，好𩠌饭！依个虽然都系下午茶餐，但分量好足，性价比相对干炒牛河较高！最后嗌多咗个西多砖。西多有花生酱馅，外皮炸得好酥但唔会太油，加埋牛油同糖浆真系又邪恶又好味！😋总括嚟讲依间冰室性价比算高，食物质素整体都唔错，而且啲侍应姐姐都几好态度，食得几开心！街坊经过不妨一试！👍🏼