基隆茶餐廳

营业中

休息中

去太子𠮶头开会，开会前同同事食个下午茶，原本谂住去间新开烧鹅店试新嘢，去到太多人就转去大埔道一间食开嘅茶餐厅，点知已经结业大吉，唯有行翻去界限街𠮶边，时间紧逼，见到基隆茶餐厅有位即冲入去，同事叫咗个干炒猪排乌冬，佢话好好食猪排炸得好香好入味。我就叫咗个常餐好似比下午茶更丰富，沙嗲牛肉意转咗即食面，沙嗲好香牛肉软身无筋，面都煮得爽口，跟餐有火腿奄列及牛油方包，好耐无饮冻奶茶，佢杯冻奶茶唔错，茶够浓同奶嘅配搭啱啱好。仲有佢嘅午餐同下午茶差唔多价钱，如果食午饭感觉上会优惠啲。