阿德廚坊 (已結業)

星期六好多人, 下午茶时段黎到呢间茶餐厅叹个港式下午茶。成三点间餐厅都仲系好爆场, 不过好彩多位, 所以唔洗等就有位了。因为都几肚饿所以每人叫左一碟饭, 一碟咖哩牛腩饭, 一碟杨州炒饭, 两杯冻柠檬茶。咖哩牛腩饭够多汁, 少少辣, 又唔会好多椰汁太甜, 送饭一流。薯仔炸得香口, 又入味, 可惜得一旧, 如果多两三旧就好了。牛腩炆得好腍, 同样入味, 仲有少少牛筋, 好足料! 杨州炒饭大大碟, 一点都唔马虎, 超多料, 有蛋、火腿、叉烧等等, 每啖饭都有料, 好抵食。冻柠檬茶一样系够茶味, 柠檬够多, 甜左少少, 下次会叫少甜。呢度下午茶$32, 冻饮加$2, 星期六日加一服务费, 如果平日黎食, 真系抵到烂。