影片
更多
2017-12-31
496 浏览
今日细佬生日梗系佢大哂啦，所以我都问佢食乜，系我搭车番黎元朗途中，一开头佢话食寿司，但都我落车时佢又改变主意话想食泰国菜，问我有冇边间泰国菜近佢泊车，我答金香泰菜。阿妈同细佬话四人餐528蚊抵，咩都有得食，四种特饮每杯加10蚊都几平，所以我地一致通过叫四人餐。落单冇耐已经开始陆续上菜，上菜速度够快，所以好快成枱都系野食，哈哈。侍应话冬荫功汤系辣，怕辣既细佬就叫左椰汁鸡汤。讲起椰汁鸡汤，其实我地全家都系第一次饮，见到个汤点都好奇。当我地一饮，咦，个汤酸架㖞，同我地想像既椰汁汤甜味好唔同，睇唔出白色既汤底竟然系酸，不过酸得黎好开胃，就类似冬荫功汤，只系唔辣版，岩哂想试泰式冬荫功汤又怕辣既人饮。泰式小拼盘都唔错，所有炸物都炸得够干爽唔油腻，虾饼好饱满，咬起黎非常弹牙，虾饼控既细佬劲快食左两件落肚。香茅叶包鸡块好香香料味，入口好滑，食落有啲似串烧鸡肉，不过如果香口啲我就更钟意。马拉盏炒杂菜比预期中好食，好多时啲泰国餐厅马拉盏炒菜会炒得好咸过哂火，呢度味道岩岩好，有些少咸香，最紧要椰菜同芥兰都够爽嫩鲜甜，唔多食菜既细佬食左唔少。海南鸡份量十足，咀嚼中系嘴中渗出既油脂，真系好正。鸡皮唔油腻而且相当
阿妈同细佬话四人餐528蚊抵，咩都有得食，四种特饮每杯加10蚊都几平，所以我地一致通过叫四人餐。落单冇耐已经开始陆续上菜，上菜速度够快，所以好快成枱都系野食，哈哈。
侍应话冬荫功汤系辣，怕辣既细佬就叫左椰汁鸡汤。讲起椰汁鸡汤，其实我地全家都系第一次饮，见到个汤点都好奇。
当我地一饮，咦，个汤酸架㖞，同我地想像既椰汁汤甜味好唔同，睇唔出白色既汤底竟然系酸，不过酸得黎好开胃，就类似冬荫功汤，只系唔辣版，岩哂想试泰式冬荫功汤又怕辣既人饮。
泰式小拼盘都唔错，所有炸物都炸得够干爽唔油腻，虾饼好饱满，咬起黎非常弹牙，虾饼控既细佬劲快食左两件落肚。香茅叶包鸡块好香香料味，入口好滑，食落有啲似串烧鸡肉，不过如果香口啲我就更钟意。
马拉盏炒杂菜比预期中好食，好多时啲泰国餐厅马拉盏炒菜会炒得好咸过哂火，呢度味道岩岩好，有些少咸香，最紧要椰菜同芥兰都够爽嫩鲜甜，唔多食菜既细佬食左唔少。
海南鸡份量十足，咀嚼中系嘴中渗出既油脂，真系好正。鸡皮唔油腻而且相当入味，鲜黄色既鸡皮好吸睛，配上肉质细致滑溜既鸡肉，轻轻一点海南鸡酱汁一齐食冇得弹。
黄咖哩牛腩香浓而不辣，牛腩煮得软腍入味，薯仔都好绵密，我平时少食薯仔都食多几旧，个汁拎黎捞饭好一流，所以饭控阿妈自己叫左碗白饭黎送咖哩。
泰式炒金边粉系咁多样之中较失色，虽然配料多，但系唔够酸甜味，而且都炒得好干唔湿，所以我最后捞咖哩汁黎食，咁样先冇哂左碟金边粉。
野饮方面都唔错，龙眼冰同椰汁冰香甜唔腻，龙眼冰仲好多龙眼肉添。不过傻瓜既细佬系咁话杯青柠汁好酸，我话梗系啦，话明系汁嘛，佢话以为同青柠梳打一样，我话两样野黎。
张贴
