飯膠

营业中

休息中

好少会到街市食饭，今日同同事过来开会，时间好赶住，睇落哩间茶餐厅OK，咁试试啦。午市都提供5-6款套餐选择，有中式同西式，款式唔算好多，但系平平地50HKD包埋嘢饮，都算抵食啦。今日拣咗美式烧猪仔骨同埋是日靓汤，今日靓汤系节瓜赤小豆煲猪骨汤。汤都落咗几多料来煲，饮落唔错，好清甜，之后唔会口渴，OK。美式烧猪仔骨好大一碟，大大件猪仔骨有两件。猪仔骨烧得唔错，食落唔会觉得好柴，搭配埋D酱汁好惹味，全部食晒TIM。街市生意真系唔易做，要平靓正才会有街坊帮衬，哩间茶餐厅算唔错啲选择。