孖寶 (已結業)

欧陆早餐 $34黑松露炒蛋配烧牛肉一上碟时，觉得炒蛋系全熟，一切开里面，小小蛋白汁流出，略欠光泽，碟底唔见有油，食落唔会好腻好滞，有微微的黑松露酱味。烧牛肉外层有黑椒碎，口感类似火腿。杂菜汤太稀，味道较淡，需要自己加点盐、黑椒调味，螺丝粉唔会爽口，唔会煮得太林，吸满汤汁。新鲜杂菜沙律，配上黑醋，酸酸甜甜几开胃，烘过餐包，外脆内软。热茉莉绿茶，绿茶味为主，只有淡淡茉莉花味。扒餐配蛋 $38黑松露炒蛋配鸡扒鸡扒外皮煎得香脆，唔会太油，算厚身，分量足够，腌得入味，好香口，肉质嫩滑。跟餐同样有沙律餐包，可选杂菜汤粉或薯饼。