Little Tipsy Restaurant & Bar (已結業)

朋友带我去观塘揾食，话有间楼上西餐都唔错。咁又好耐无食西餐，所以就上去试下星期六晚7点半上到去人唔算多，可能因为楼上既关系，但因为唔多人，所以如果带d密友或者女性朋友上黎一路食饭一路倾计都路错。咁首先叫左个脆炸蕃薯条，哗热辣辣咁上台，蕃薯条好甜，出面薄薄一层粉浆唔会厚，真系好推荐。主菜叫左个法式油封鸭腿，味道都好正，层皮都系脆脆，而鸭肉软林林好入味，配薯溶好好食。朋友叫左个海胆意大利饭配巴马臣芝士，意大利饭好正，一食落口首先食到海胆味，之后先再有少少芝士味，但美中不足就系海胆太既苦味太劲，影响左如果唔系就正好多。甜品最后叫左心太软，雪糕系好食既，加上心太软都好食，伴碟有d如左冰既红桑子，觉得太甜既时候食少少中和返就唔会觉得太溜。