Double K Kitchen

营业中

休息中

今日一家四口经过东大街，揾食夜晚既餐厅，见到一家装修有浪漫feel既西餐就打算去试一试，可能我地早到间餐厅唔系好多人（5:50分），坐低左d侍应几好礼貌，而家好少餐厅除左酒店咁有礼貌，花心机介绍佢地d特色食物（可能系早到少人关系）。依间餐厅系食set为主 有包前菜 餐汤 餐包 野饮。我地叫左两个忌廉汤两个罗宋汤，罗宋汤味道唔错有肉味酸咪咪带点辣度唔错几好饮，忌廉汤就够浓够creamy 都唔错。我地叫左佢地员工介绍既猪手同猪胺 两个都唔错 猪手够脆不过d肉略过淋可能系over cook 同埋无配酸菜有点失望不过有跟乜乜芥末汁（唔记得叫咩名）都几开胃。猪胺反而有惊喜，多汁又唔韧，听佢地d员工介绍可以食成数，我就怕生食全熟。另外我地order左一个意粉（唔记得个名）正常不过不失 仲order左个海鲜焗饭饭底够香不过d海鲜略小同埋有d油腻。仲有惊喜系佢地d咖啡系唔错既即磨值得一试同埋有d特饮都有心思有蝶豆花饮品不过本人对d特饮无太大兴趣。本人觉得系东大街黎讲算系一间抵食既餐厅，不是价钱低就叫抵食，而系佢地食物服务都唔错，呢d先叫抵食， 洗钱先洗得值。