La Vigne (已結業)

好耐冇同妈咪出去食好野，今日就黎左呢间店食下西餐。虽然间店唔大，但气氛都唔错，灯光暗暗地，有西餐既格调XD呢度系set menu黎～套餐有包埋蓉包，餐汤，水果沙津，主菜，甜品等。今日餐汤系甘笋汤～平时忌廉汤，罗宋汤就饮得多，但甘笋汤真系少啲见，饮落都有够味😋食完前菜好似仲开胃左 哈哈。到主菜我地系拣左挪威三文鱼解菌意大利饭本身以为佢系成旧既三文鱼，原来已经变成粒粒既三文鱼混合埋啲饭入面，就可以每一啖都食到，够哂方便！另外妈咪就叫左拿破仑宽条面伴烧孜羊扒佢食唔惯呢种面既面质，不过就话汁既味道就好味～而块羊扒佢话唔系好骚，所以佢食得好干净😆😆至于野饮就叫左杯朱古力同苹果姜粒茶，茶具好靓，好岩打卡啊！甜品今日就有红桑子芝士蛋糕，牛奶布甸细细件岩哂食得饱饱又想满足食甜品欲望既女生😍个芝士同蛋糕各占一半，食落就唔会太漏噜～每人百几蚊可以食到咁多又饱到肚既西餐，性价比高！