紅蔥頭

营业中

休息中

放左学去附近食饭，我地叫左一个西冷配薯条，意式炸乌贼，仲加咗个甜品心太软。嗌左冇耐，嘢食就已经送咗上嚟啦。意式炸乌贼，其实即系鱿鱼圈，外层嘅炸衣唔会太厚，系新鲜炸好，热辣辣拎上嚟，咬落去除咗有表皮酥脆，仲可以食到鱿鱼嘅弹牙，加埋沙律酱放入口，真系开胃小食嘅好选择。我哋叫咗七成熟，师傅嘅火候控制得啱啱好，上到嚟唔会太生，又唔会太熟，啱啱好可以食到嫩滑嘅牛肉。配埋薯条，可以点下牛扒上面嘅黑椒汁，咁就一种味道，两种口感。隔离仲有烟肉同芦笋，咁就可以balance返，有返啲健康嘅感觉啦。我地仲叫左一个甜品心太软。餐厅好贴心，见我地食到差唔多先问我地系咪要上，一上苔已经好香，即叫即做，外脆内溶，完全做到流心嘅效果，隔离仲配埋幼滑忌廉和芒果粒，好好味。餐厅的同事经理态度好好，全餐食得好舒服，整体用餐环境感受非常舒适。