茶舍 (北帝街)

营业中

休息中

成日经过土瓜湾都冇入到去试，今日就入去试吓，睇餐牌价钱都好似好抵食门面装修都几好睇，今日平日但都好多人入去食dinner。值得一赞去服务员态度好好，唔需要好高级，只要亲民就会令到成餐饭都食得好开心。冬阴功鸡肉pizza ：冬阴功味好出，有少少辣，馅料好丰富大量嘅芝士、菠萝、洋葱、鸡肉、火箭菜，所有嘢味道都夹得好好。成个Pizza好惹味，Pizza底亦都啱啱好唔会太厚 。综合水果红茶：里边有蓝莓、火龙果、士多啤梨、柠檬、青柠，最特别系个底有粒话梅，成杯饮品，酸酸甜甜好开胃，份量亦都好大杯。朱古力芝士蛋糕：系一种偏酸嘅芝士蛋糕，口感偏湿润，朱古力味偏淡，芝士味偏重。意大利栗子法式布朗尼：里面有蛋糕同cream，外边有栗子酱包住，味道偏甜。