Walter Bistro (智選假日酒店)

营业中

休息中

上次同朋友倾计期间介绍左呢间好抵食的半自助晚餐，于是就叫朋友帮忙book位试试，餐厅都几容易揾，观塘站行5分钟就到了！去到餐厅已经有人等餐厅开门，睇黎应该都真系几唔错！餐厅座位几宽阔，唔会坐到好迫！呢间餐厅最大卖点系4百零蚊就食到生蚝，仲要系任食，生蚝好新鲜，拎返黎仲见到郁下郁下，加少许柠檬，完全迫哂鲜味出黎！沙律吧好多选择，除左基本沙律菜蕃茄粟米外，仲会有埋中式麻辣木耳同莲藕，中西合壁！海鲜包括有面包蟹、虾、青口同螺！面包蟹啖啖肉，亦好多膏，而螺超级大旧肉，好弹牙！冷盘包括有烟三文鱼，parmaham，芝士同面包等等，烟三文鱼再加埋芝士同面包，好夹，大家都唔会互抢味道！食自助餐边会少得即切西冷牛扒，店员即叫即切，肉质嫩滑，肥瘦适中，一定要搭配埋酱汁一齐食凸显牛的味道！热盘值得推介系烧肉，系最标准的半肥瘦，食佢最岩方法系一啖放入口，咬佢的同时上脆下软，油脂四散，认真一流！到了最钟意的甜品环节，除左基本生果蛋糕外，我仲自制左朱古力雪糕窝夫，热热的窝夫遇上冰冻的雪糕，好夹！另外推介芝士蛋糕，唔太甜，牛油饼底做得唔错！推介大家黎食！