影片
更多
2022-09-08
173 浏览
上次同朋友傾計期間介紹左呢間好抵食的半自助晚餐，於是就叫朋友幫忙book位試試，餐廳都幾容易搵，觀塘站行5分鐘就到了！去到餐廳已經有人等餐廳開門，睇黎應該都真係幾唔錯！餐廳座位幾寬闊，唔會坐到好迫！呢間餐廳最大賣點係4百零蚊就食到生蠔，仲要係任食，生蠔好新鮮，拎返黎仲見到郁下郁下，加少許檸檬，完全迫哂鮮味出黎！沙律吧好多選擇，除左基本沙律菜蕃茄粟米外，仲會有埋中式麻辣木耳同蓮藕，中西合壁！海鮮包括有麵包蟹、蝦、青口同螺！麵包蟹啖啖肉，亦好多膏，而螺超級大舊肉，好彈牙！冷盤包括有煙三文魚，parmaham，芝士同麵包等等，煙三文魚再加埋芝士同麵包，好夾，大家都唔會互搶味道！食自助餐邊會少得即切西冷牛扒，店員即叫即切，肉質嫩滑，肥瘦適中，一定要搭配埋醬汁一齊食凸顯牛的味道！熱盤值得推介係燒肉，係最標準的半肥瘦，食佢最岩方法係一啖放入口，咬佢的同時上脆下軟，油脂四散，認真一流！到了最鐘意的甜品環節，除左基本生果蛋糕外，我仲自製左朱古力雪糕窩夫，熱熱的窩夫遇上冰凍的雪糕，好夾！另外推介芝士蛋糕，唔太甜，牛油餅底做得唔錯！推介大家黎食！
餐廳都幾容易搵，觀塘站行5分鐘就到了！去到餐廳已經有人等餐廳開門，睇黎應該都真係幾唔錯！餐廳座位幾寬闊，唔會坐到好迫！
呢間餐廳最大賣點係4百零蚊就食到生蠔，仲要係任食，生蠔好新鮮，拎返黎仲見到郁下郁下，加少許檸檬，完全迫哂鮮味出黎！
沙律吧好多選擇，除左基本沙律菜蕃茄粟米外，仲會有埋中式麻辣木耳同蓮藕，中西合壁！
海鮮包括有麵包蟹、蝦、青口同螺！麵包蟹啖啖肉，亦好多膏，而螺超級大舊肉，好彈牙！
冷盤包括有煙三文魚，parmaham，芝士同麵包等等，煙三文魚再加埋芝士同麵包，好夾，大家都唔會互搶味道！
食自助餐邊會少得即切西冷牛扒，店員即叫即切，肉質嫩滑，肥瘦適中，一定要搭配埋醬汁一齊食凸顯牛的味道！
熱盤值得推介係燒肉，係最標準的半肥瘦，食佢最岩方法係一啖放入口，咬佢的同時上脆下軟，油脂四散，認真一流！
到了最鐘意的甜品環節，除左基本生果蛋糕外，我仲自製左朱古力雪糕窩夫，熱熱的窩夫遇上冰凍的雪糕，好夾！另外推介芝士蛋糕，唔太甜，牛油餅底做得唔錯！推介大家黎食！
张贴
