肯德基家鄉雞 (KFC)

营业中

休息中

同老公行行吓街口痕，就入咗去KFC食嘢。哩间分店好宽敞但座位唔多、枱同枱之间隔得好开，所以坐得都舒服。咁啱人流少，加上疫情严重，一入去就有位。两个人叫咗一个餐，$39三件鸡加杯汽水，认真抵食！我哋叫咗辣鸡，哩间舖啲鸡一直质素都唔错，我最钟意系佢哋嘅巴辣香鸡翼，但今日无叫。哩个餐有一件鸡胸、鸡髀同鸡上髀，$39真系唔敢有怨言，味道一如既往，无令人失望，鸡皮脆卜卜，鸡肉亦好嫩。咁啱今日做网上问卷有葡挞送，我就梗系唔执输，立即做，立即送，KFC嘅葡挞一直都系信心嘅保证，虽然今日味道麻麻，好似有少少undercooked咗，但唔使钱就无所谓啦。