錦麗 (又一城)

营业中

休息中

又一城都开咗锦丽啦，以后行街又有新选择！❤坐低第一时间点咗个椰青先，解渴一流👍，而杯香茅青柠薄荷梳打就非常refreshing，不失为炎热夏天嘅恩物😆。必食嘅当然系我最爱嘅火车头越南河，配料充足，样样都可以试d，最正系个好弹牙嘅爆汁牛丸，真系好爆汁，唔为意咬一大啖，差d喷到成身都系😂😂。另外生牛肉正常发挥，而牛腩就软腍，咬落啖啖肉。最后不得不提系哩碗粉嘅灵魂牛肉汤底，真正令碗粉"升呢"👍。咖喱鸡锤饭个咖喱真系几辣架，有d料到😂。里面系满满嘅炸薯角，心谂死啦又要增肥，不过唔食边有力减肥wor，食咗先算😂😂😂。而个鸡锤我就觉得炸得太过，令个鸡肉稍硬，但系连个咖喱湿湿地一齐食又ok wor！