月橋正宗越南湯粉

营业中

休息中

今日同老婆送阿女去补习，顺便早啲出去食午餐，响太子附近望下有咩食👀，发现一间“月桥正宗越南汤粉”，虽然上几个星期才食过越式食物，但阿囡同老婆都想食😅，于是入去试吓呢间😂。店员好快走过来招呼我哋坐低，又放低张QR code 同我哋讲可以自己下单。见过餐牌📔食物类唔多，其实某程度系唔同配料，重复配搭檬粉，汤河或饭。都好！唔使三心两意😆。香烤猪扒捞檬 $47猪扒烤得好香😍，猪扒同檬粉份量都多，抵食🥰。香茅猪颈肉汤河 $56 (+$2热饮)猪颈肉烧得好香，薄薄的有七八片，有肉香味，非常好食😋！热饮我叫了热咖啡，杯咖啡已经调好了甜度，味道好似小时候食嘅咖啡糖😅，偏甜🥲。越式炸春卷捞檬 $56有2️⃣条炸得非常香口又大件的春卷，春卷馅料冇乜特别😶，但胜在大大份，够哂饱肚😚。总括而言，食物价钱亲民、上枱速度快、份量大，店员服务态度好👍，我觉得呢个价钱都系抵食，有机会会再食🤭。