越一越南牛肉粉專門店 (已結業)

越南菜喺大家嘅心目中可能只系得牛油鸡翼，生牛河。其实越南菜有好多都同其他东南亚菜好似嘅，都一样咁好食！今日去开荃湾，心思思想食东南亚菜，见到尼间越式餐厅喺正大街旁边，都系一个好选择。餐厅喺正大街旁边，虽然望住街景，但尚算开扬。餐厅灯光光猛，座位阔落，坐得好舒服。枱凳都系木造，感觉有啲东南亚风味。今次叫咗大虾菠萝炒饭，烧大虾柚子沙律，盐烧乌头，菠萝汁同甘荀汁。果汁系鲜榨嘅，店员话无添加糖，原汁原味。菠萝汁大家就饮得多，尼度嘅菠萝汁甜度酸度都啱啱好，又够冰凉，好好饮！甘荀汁嘅甘荀味好浓，而且好清甜，几特别👍🏻烧大虾柚子沙律嘅柚子好多，一梳梳咁，食落好满足！大虾烧得好香，肉质弹牙！西芹再加上紫洋葱再加上酸酸辣辣嘅汁，好有热带风情呀！加埋腰果一齐食，口感更丰富！盐烧乌头大大条，肉质实净，冇泥味！烧得热辣辣，食到停唔到口！大虾菠萝炒饭又点少得个菠萝壳呀😂上面嘅大虾同头先嘅大虾一样，好弹牙，好好食！炒饭入面有鱿鱼同粒粒菠萝，再加上红虾仔，好惹味呀！